Արմաունթ ՀԸ-ն՝ համագործակցելով Հայաստանի ազգային արխիվի հետ, ուրախությամբ ներկայացնում է «Մեկ Տոհմածառի Պատմությունը» բացառիկ նախագիծը, որը հնարավորություն է տալիս խորապես ուսումնասիրելու ձեր ընտանիքի պատմությունը։ Մանրակրկիտ ուսումնասիրությունների միջոցով՝ ինչպես Արևմտահայաստանի, այնպես էլ Արևելահայաստանի արխիվներում, մեր նպատակն է բացահայտել ձեր ծագման հարուստ և ընդարձակ արմատները՝ հնարավորինս խորությամբ վերհանելով ու ներկայացնելով ձեր տոհմածառի առավել ճշգրիտ պատկերը։ Նախագծի շրջանակում ամբողջ հետազոտական գործընթացը կնկարահանվի, և արդյունքում կստեղծվի անհատական վավերագրական ֆիլմ՝ ձեր ընտանիքի պատմությամբ, որը կցուցադրվի Արմաունթ ՀԸ-ի եթերում՝ ԱՄՆ-ում և Հայաստանում։ Բացի վավերագրական ֆիլմից, դուք կստանաք ձեր տոհմածառի գեղեցիկ տպագրված և շրջանակված տարբերակը կտավի վրա՝ որպես սերունդներին փոխանցվող արժեքավոր ժառանգություն։ Լրացուցիչ տեղեկությունների համար կամ մասնակցության հայտ ներկայացնելու համար խնդրում ենք կապ հաստատել մեր հետ: